Ekipi i St. Gallen ka konfirmuar blerjen e Ajetit
Albian Ajeti ka nënshkruar kontratë katërvjeçare me skuadrën zvicerane.
Edhe zyrtarisht Albian Ajeti nënshkruan kontratë deri më 2021 me St. Gallen. Në verën e vitit të kaluar, vëllai i Arlind Ajetit u transferua te St. Galleni në formë huazimi nga skuadra gjermane Augsburg, me të cilën kishte kontratë deri në vitin 2020.
Por, paraqitjet e shkëlqyera të talentit 20-vjeçar gjatë këtij sezoni bindën drejtuesit e klubit zviceran të blinin përfundimisht kartonin e Ajetit nga Augsburgu.
Ajeti ka realizuar 9 gola në 19 paraqitje me skuadrën e Superligës së Zvicrës. Pak javë më parë, ai u shpall lojtari më i mirë i muajit shkurt në kampionatin zviceran nga gazeta “Blick”.
