Gazmend Muhaxheri, kandidat i LDK-së për kryetar të Pejës

Kryetari aktual i Pejës, Gazmend Muhaxheri, ka bërë të ditur se do t’i hyjë garës edhe për mandatin e katërt.

Muhaxheri tha se kryesia e LDK-së ka vendosur që nëntë kryetarët aktualë të komunave të garojnë sërish në zgjedhjet e 12 tetorit,

“Po, ne si kryesi e LDK-së kemi vendosur që 9 kryetarët aktualë të komunave të garojnë, e së shpejti do t’i shtohet edhe pjesa tjetër që do të jenë në garë më 12 tetor”.

“Deri më 13 gusht duhet të jenë finalizuar listat. Ne po punojmë që lista e LDK-së të jetë e finalizuar javën tjetër”, tha Muhaxheri në RTK.

Zgjedhjet komunale në Kosovë do të mbahen më 12 tetor të këtij viti.