Real Madridi nuk ka arritur që të arkëtojë më shumë se një pikë nga ballafaqimi me Gironën në “Santiago Bernabeu” në kuadër të xhiros së 12-të në La Liga.
Mysafirët u treguan skuadër cilësore që nga fillimi duke mos e lejuar skuadrën e Carlo Ancelottit ta aplikojë lojën sulmuese dhe kjo bëri që pjesa e parë të mbyllet pa gola.
Në pjesën e dytë, Reali pati më shumë posedimin e topit dhe kontrollin e lojës, por iu deshën 70 minuta për ta shënuar golin e epërsisë, derisa realizues ishte braziliani Vinicius Junior që u asistua nga Fede Valverde.
Vetëm dhjetë minuta me vonë, Girona riktheu baraspeshën në rezultat me Stuan që realizoi nga penalltia për 1-1, që doli të jetë rezultati përfundimtar.
Në minutat shtesë, Reali luajti me një lojtar më pak pasi nga loja me karton të kuq u përjashtua mesfuahori gjerman Toni Kroos.
Ky barazim i shkon për shtati Barcelonës që tani ka vetëm një pikë me pak se Real Madridi që merr vendin e parë me 32 pikë.
