Një burrë, 64-vjeçar, është gjetur i vdekur në oborrin e tij në fshatin Cërnicë të Komunës së Gjilanit.
Për këtë rast Policia është njoftuar të hënën rreth orës 08:00.
Zëdhënësi i Policisë për rajonin e Gjilanit, Ismet Hashani për portalin rtv21.tv ka thënë se Policia menjëherë ka dalë në vendin e ngjarjes dhe se nga hetimet e para dyshohet për vetëvrasje.
“Njësitet relevante policore, së bashku me Prokurorin e Shtetit dhe ekipin emergjent mjekësor, kanë dalë menjëherë në vendin e ngjarjes, ku nga mjeku kujdestar është konstatuar vdekja e viktimës, nga hetimet e para dyshohet për vetëvrasje”, ka theksuar Hashani.
Ai ka thënë se me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
“Hetimet rreth këtij rasti i cilësuar si ‘Hetim i vdekjes’ janë duke vazhduar”, ka theksuar Hashani.
