Gjermania synon të eliminojë qymyrin jo më vonë se deri në vitin 2038
Projektligji gjerman për eliminimin e qymyrit deri në 2038, u miratua sot në Këshillin e Ministrave, pavarësisht kritikave të organizatave ekologjike, që pretendojnë se ky ligj nuk po realizohet edhe aq shpejt.
I paraqitur në mes të janarit, pas muajsh të tërë negociata nën presionin në rritje të mbrojtësve të klimës, ky projektligj për eliminimin e qymyrit me 202 faqe, siguron, në veçanti, datat dhe kompensimin për mbylljen graduale të termocentraleve të qymyrit.
Gjermania synon të eliminojë qymyrin jo më vonë se deri në vitin 2038, madje ta shkurtojë këtë afat me tre vjet, deri në vitin 2035, në varësi të raporteve të përparimit që do të kryhen në vitin 2026 dhe 2029.
