Grenell: Trump, meritor për marrëveshjen për fluturimet Kosovë-Serbi
Lufthansa hap linjë ajrore Prishtinë-Beograd
I dërguari i veçantë i presidentit të SHBA-së, Donald Trump për bisedimet Kosovë-Serbi, Richard Grenell, reagoi pas marrëveshjes për fluturimet e para direkte ndërmjet Prishtinës dhe Beogradit.
Ambasadori amerikan në Gjermani tha se kjo është një fitore historike që u bë e mundur falë, Donald Trump.
Ai ka falënderuar edhe NATO-n dhe kompaninë “Luthansa”.
“Presidenti Donald Trump edhe një herë na çoi në një fitore historike. Kosova dhe Serbia sot nënshkruan një marrëveshje për fluturimet e para direkte midis Prishtinës dhe Beogradit pas 21 vitesh. Faleminderit Luthansa, NATO, Robert C O’Brien dhe liderët e Kosovës dhe Serbisë”, shkroi Grenell.
President @realdonaldtrump once again led us to an historic victory. Kosovo and Serbia today signed an agreement to create the first direct flight between Pristina & Belgrade in 21 years. Thank you @lufthansa, @NATO, @robertcobrien and the leaders of Kosovo and Serbia. pic.twitter.com/mu52kM7smm
— Richard Grenell (@RichardGrenell) January 20, 2020
Aviokompania Lufthansa ka njoftuar autoritetet e Kosovës se do të hapë linjën ajrore Prishtinë-Beograd në një të ardhme shumë të afërt.
Sekretari i përgjithshëm i NATO-s, Jens Stoltenberg e ka mirërpritur nënshkrimin e marrëveshjes mes Aviacionit Civil të Kosovës dhe kompanisë ajrore “Lufthansa”, me të cilën synohet hapja e linjës ajrore Prishtinë-Beograd.
Edhe Presidenti i Kosovës, Hashim Thaçi, e ka mirëpritur nënshkrimin e letrës së qëllimit ndërmjet kompanisë ajrore prestigjioze gjermane “Lufthansa” dhe Autoritetit të Aviacionit Civil të Republikës së Kosovës, e cila mundëson hapjen e linjës ajrore Prishtinë – Beograd. Thaçi ka thënë se kjo ngjarje shënon një hap tjetër në përpjekjet për normalizimin e marrëdhënieve ndërmjet Republikës së Kosovës dhe Serbisë./21Media
