Ka përfunduar ndeshja mes Kombëtares së Greqisë dhe asaj të Spanjës, ku përgjatë 90’ minutave lojë është shënuar vetëm një gol.
Në ndeshjen e vlefshme për fazën e grupeve në kualifikimet drejt Botërorit “Katar 2022”, Spanja ka mposhtur Greqinë me rezultat minimal 1:0.
Golin e vetëm në ndeshje e shënoi sulmuesi Pablo Sarabia, i cili shënon golin e tre pikëve për Spanjën në minutën e 26’ nga pika e bardhë.
Me tre pikët e reja, Spanja merr kreun e tabelës në Grupin B, ku pas shtatë ndeshjeve ka arkëtuar gjithsej 16 pikë, një më shumë se Suedia në vendin e dytë.
Në anën tjetër, Greqia zë vendin e tretë në tabelë me nëntë pikë, dy sosh më shumë se Gjeorgjia në pozitën e katërt, dhe pesë pikë më shumë se Kosova në vendin e fundit.
Rezultati final i ndeshjes është 1:0 në favor të Spanjës.
