Një gjykatë suedeze gjobiti aktivisten për klimën Greta Thunberg për mosbindje ndaj policisë në një protestë muajin e kaluar.
Thunberg dhe aktivistë të tjerë u arrestuan për ndërprerjen e trafikut në portin e terminalit të naftës në Malmo për të protestuar kundër përdorimit të karburanteve fosile. Ata bllokuan hyrjen dhe daljen e portit të qytetit jugor suedez.
Sipas fletës së akuzës së paraqitur kundër Thunberg, ajo “mori pjesë në një demonstratë që ndërpreu trafikun” dhe “refuzoi t’i bindej urdhrave të policisë për t’u larguar nga vendi”.
Thunberg pranoi të hënën se nuk iu bind policisë, por argumentoi se ajo kishte vepruar nga nevoja, duke përmendur nevojën për të luftuar ndryshimet e klimës.
“Është e saktë që kam qenë në atë vend atë ditë dhe është e saktë që kam marrë një urdhër që nuk e kam dëgjuar, por dua ta mohoj krimin”, tha Thunberg në gjykatë.
“Veprimet e mia janë të justifikueshme. Unë besoj se jemi në një emergjencë që kërcënon jetën, shëndetin dhe pronën. Njerëz dhe komunitete të panumërta janë në rrezik si në afat të shkurtër ashtu edhe në atë afatgjatë”, citohet të ketë thënë ajo.
Gjykata urdhëroi Thunberg të paguante një gjobë prej 1,500 korona suedeze (130 euro). /21Media
