Sot pasdite vdiq bashkëshortja e veprimtarit Adem Demaçi, Xhemajlije Hoxha-Demaçi. Djali i Adem Demaçit, Shqiptari bëri të ditur se nëna e tij vdiq nga pasojat e Covid-19.
“Varrimi behet neser ne ora 12 30 ne varrezat e Lagjes Arberia (ish -Dragodani) nga rrethi i saj familjar. Te pame nuk do te organizohet per shkak te pandemise.”, shkroi Shqiptari në facebook.
Në fillim të viteve ’60-ta veprimtari Adem Demaçi ishte martuar me Xhemajlie Hoxhën. Por, disa vjet pas martesës dhe lindjes së dy fëmijëve, Abetares dhe Shqiptarit, Demaçi ishte arrestuar nga shteti i atëhershëm jugosllav. Pos përcjelljes, marrjes në pyetje, diskriminimit Xhemajlien që punonte si mësuese në Prilluzhë të Vushtrrisë e kishin larguar nga puna. Mësuesen e rrallë shqiptare e kishin kthyer në pastruese në të njëjtën shkollë. Por, gruaja e atdhetarit të madh nuk ishte dorëzuar. Ajo kishte vazhduar t’i rriste fëmijët derisa Demaçi ishte duke vuajtur dënimin “për veprimtari armiqësore” kundër Jugosllavisë./21Media
Ju njoftojme se nena, vjehrra e gjyshja – Xhemajlije Hoxha Demaçi nderroi jete sot pasdite nga pasojat e Covid 19….
Gepostet von Shqiptar Demaci am Samstag, 27. Februar 2021
