Me Ramën do të diskutojë për reformat
Komisioneri Evropian për Politika të Fqinjësisë dhe Negociata të Zgjerimit, Johannes Hahn, do të vizitojë edhe Shqipërinë. Lajmi bëhet i ditur nga ambasadori i delegacionit të BE-së në Shqipëri, Luigi Soreca, raporton oranews.
Komisioneri Hahn do të takohet në orët e vona të ditës së sotme me kryeministrin Rama për të diskutuar për reformat si dhe përpjekjet e bëra për vijimin e tyre.
Ndërkohë, në Prishtinë pritet të takohet me kryeministrin e Kosovës, Ramush Haradinaj. Takimi do të zhvillohet në ora 16:30, në ndërtesën e Qeverisë, por nuk është bërë e ditur se cila do të jetë tema e diskutimeve.
Vizita e fundit e Hahn në Kosovë ishte më 3 dhjetor të vitit të kaluar. Gjatë kësaj vizite ai ka deklaruar se data më reale për liberalizimin e vizave për qytetarët e Kosovës mund të jetë viti 2020.
