Halsey ka zbuluar se po vazhdon të përballet me probleme të shumta me shëndetin.
Përmes Instagramit, ajo ka thënë se që nga koha kur mbeti shtatzënë e lindi foshnjën, ajo është përballur vazhdimisht me probleme me shëndetin.
“Shëndeti im ka ndryshuar shumë që kur mbeta shtatzënë dhe linda. Fillova të sëmurem më shumë, kam qenë disi e sëmurë shumicën e jetës sime”, është shprehur ajo.
Halsey ka folur më parë për luftën e saj me endometriozën, gjendje e cila prek një në 10 gra të çdo moshe.
Ajo është shumë e emocionuar t’i rikthehet turneut të saj, për të cilin ka thënë se është shumë e emocionuar dhe njëkohësisht ndjen paksa pasiguri./21Media
