Hamëz Jashari përkujtohet nga djali i tij në përvjetorin e lindjes
Djali i heroit Hamëz Jashari, Bekim Jashari ka përkujtuar babain e tij, për nderë të përvjetorit të tij të lindjes.
Bashkë me të shihet edhe Besarta Jashari dhe familja e tyre.
“Urime Ditëlindjen Babush! Sot, në ditëlindjen tënde të 74-të babush erdhëm bashkë me Besarten dhe familjen ku kësaj radhe kemi edhe një aëtar të ri, Marsin. Përjetë mirënjohës ndaj teje babush që na rrite e edukove nën frymën patriotike e të dashurisë për atdheun”, ka shkruar Jashari në “Facebook”.
Ndryshe, Hamëz Jashari ka qenë njëri nga komandantët më të shquar të Ushtrisë Çlirimtare të Kosovës dhe njëkohësisht vëllai i kryekomandantit të UÇK-së Adem Jashari.
Hamëza u lind më 19 prill 1950 në fshatin Prekaz të Poshtëm të Komunës së Skenderajt, rajoni i Drenicës, në Kosovë. Ai ka rënë dëshmorë më 7 Mars 1998 po në të njëjtin fshat, gjatë sulmit në Prekaz.
Pas luftës Hamëza është shpallur Hero i Kosovës./21Media
