Policia e Kosovës ka shpallur konkurs për pranimin e policëve të rinj nga radhët e komuniteteve.
Në njoftim thuhet se do të pranohen zyrtarët policorë sipas kushteve të parapara të konkurrimit për të gjitha minoritetet (serb, boshnjak, turq, goran, romë, ashkali, egjiptas, kroat, malazez, maqedonas).
Sipas njoftimit të Policisë, kandidatët e interesuar mund të aplikojnë nga data 5 janar deri më 26 janar. Aplikimi bëhet në formë fizike.
Në nëntor të vitit të kaluar, qindra serbë në veri të Kosovës u larguan nga Policia e Kosovës, institucionet e drejtësisë dhe institucionet lokale e qendrore.
Dorëheqjet u dhanë në shenjë pakënaqësie ndaj një vendimi të Qeverisë së Kosovës që kishte të bënte me rirregjistrimin e vetura me targa serbe, në ato RKS.
