Haradinaj tha se do të bashkëpunojë me BSPK-në
Kandidati për kryeministër të Kosovës, Ramush Haradinaj ka takuar sot përfaqësues të Bashkimit të Sindikatave të Pavarura të Kosovës.
Haradinaj tha se në takim është biseduar për të drejtat e punëtorëve në tërësi.
Kreu i AAK-së, është zotuar se do të bashkëpunojë me BSPK-në, duke vënë theksin tek partneriteti i ndërsjellë.
Ndërsa Krye-sindikalisti, Haxhi Arifi tha se si BSPK është e hapur për bashkëpunim ndërmjet punëdhënësve dhe punëtorëve, si dhe me qeverinë e Kosovës.
Arifi i është ankuar Haradinajt se sfidat e punëtorëve në Kosovë mbesin të shumta, derisa ka shprehur besimin se Qeveria e ardhshme do t’i realizojë kërkesat e tyre.
“Si BSPK, tani e tutje jemi që ta kemi një partneritet te sinqertë punëdhënës-punëmarrës dhe qeveri në realizimin e kërkesave dhe të gjejmë zgjidhje sepse e dimë çfarë gjendje është punëtoria dhe cila është papunësia. Mbesim me shpresë që te realizohen me një bashkëpunim të ndërsjellë”, tha Arifi.
