Kryetari i Aleancës për Ardhmërinë e Kosovës (AAK), Ramush Haradinaj, në fjalën e tij në Kuvend, i është drejtuar kreut të VV-së, Albin Kurtit, të cilin e ka quajtur “produkt të luftës hibride të armiqve tanë”.
Deklarata e Haradinajt ishte si reagim ndaj ekspozesë së Kurtit, ku e përmendi edhe luftën hibride.
Haradinaj ka thënë se deputetët janë mbledhur sot për të kryer detyrën e tyre.
Ai e ka pyetur Kurtin se pse është rritur edhe çmimi i energjisë elektrike, dhe që lista e problemeve të Kosovës, sipas tij, “është e gjatë”.
Haradinaj ka thënë se partia e tij nuk sheh arsye për të debatuar për programin që e ka paraqitur Kurti.
