Haradinaj: Lista e Koalicionit për “Kosovën Fituese” është një kombinim i mrekullueshëm

Kandidati i AAK’së për kryeministër, Ramush Haradinaj, ka thënë se lista e Koalicionit për Kosovën Fituese është kombinim i mrekullueshëm.

Sipas tij në këtë listë ka emra të njohur të dijes dhe politikës.

“Lista 137 – Kombinimi i përvojës me vrullin rinor. Lista e Koalicionit për Kosovën Fituese është një kombinim i mrekullueshëm. Me emra të njohur të dijes e të politikës, me njerëz që nuk janë zbrapsur para asnjë sfide në 30 vjetët e fundit. Me pothuajse gjysmën e listës, emra që garojnë për të parën herë. Të gjithë të përgatitur për vizionin tonë për Kosovën Fituese, e që është: Kosova në NATO, me ekonomi të zhvilluar, drejtësi dhe mirëqenie të përgjithshme. 137 për Kosovën Fituese”, ka shkruar Haradinaj.