Historike, Nora Gjakova i sjell Kosovës edhe një medalje të artë

Xhudistja kosovare, Nora Gjakova ka arritur ta bëjë përseri Kosovën që të shkëlqejë në Lojërat Olimpike “Tokyo 2020”, duke fituar finalen që ia ka siguruar medaljen e artë.
Nora në finale është ndeshur me xhudistën nga Franca, S.L. Cysique.
Nora në kategorinë -57 kg, ka mundur edhe japonezen Tsukasa Yoshida, Kaja Kajzer nga Sllovenia dhe holandezen, Sanne Verhagen.
Kjo është medalja e dytë e artë që ka siguruar Kosova në Lojërat Olimpike “Tokyo 2020”, pasi edhe Distria Krasniqi ia ka siguruar një të tillë, në kategorinë -48 kg.
Komiteti Olimpik i Kosovës ka reaguar pas këtij lajmi fantastik për vendin tonë, me ç’rast në faqen zyrtare të Komitetit në facebook është shkruar: Edhe një medalje. Edhe një e artë. E dyta në Lojërat Olimpike Tokio 2020, e treta në dy Olimpiada./21Media