Në takimin mes Ndihmës Sekretarit amerikan të Shtetit, James O’Brientë dhe Kryeministrit Albin Kurtit pjesëmarrës ka qenë edhe ambasadori amerikan në Kosovë, Jeffrey Hovenier.
Këtë e ka bërë të ditur vetë ambasadori Hovenier, duke theksuar se SHBA pret nga Kosova dhe Serbia t’i përmbushin obligimet në kuadër të Dialogut.
“Kënaqësi të bashkohem me Ndihmës Sekretarin O’Brien në takimin e tij produktiv me kryeministrin Kurti. Ne presim që Kosova dhe Serbia të përmbushin të gjitha obligimet e marra në kuadër të Dialogut të lehtësuar nga BE-ja”, ka shkruar Hovenier.
O’Brien theksoi se SHBA e mbështet rrugën e Kosovës drejt integrimeve euroatlantike.
