Norma vjetore e inflacionit në zonën e euros ishte 2.1 për qind në gusht, nga 2 për qind në korrik, njoftoi të martën Eurostat.
Ndër komponentët kryesorë të inflacionit, ushqimi, alkooli dhe duhani pritet të kenë normën më të lartë vjetore në gusht (3.2%), të ndjekura nga shërbimet (3.1%) dhe mallrat industriale jo-energjetike (0.8%), transmeton AA.
Energjia shënoi një rënie prej 1.9% në gusht, pas një rënieje prej 2.4% në korrik.
Normat më të larta u panë në Estoni me 4.6%, Sllovaki me 4.3% dhe Letoni me 3.7%.
Ndërkohë, shifrat më të ulëta u shënuan nga Administrata Greko-Qipriote me 0.4%, Franca me 0.6% dhe Irlanda me 1.4%.
