Instituti Albanologjik i Prishtinës do të mbajë sot mbledhje komemorative në nderim të shkrimtarit Ismail Kadare.
Mbledhja komemorative do të mbahet në ambientet e këtij instituti nga ora 09:30.
Qeveria e Shqipërisë i ka shpallur dy ditë zie, më 2 dhe 3 korrik, në nderim të të ndjerit Ismail Kadare, shkrimtarit shqiptar që vdiq të hënën në moshën 88-vjeçare.
Kadare vdiq të hënën në Tiranë nga një “arrest kardio-respirator”, thanë mjekët shqiptarë.
Në një vendim të hënën vonë, Qeveria e kryeministrit Edi Rama tha se në të gjitha institucionet shtetërore dhe publike do të ulët flamuri kombëtar në gjysmështizë për nder të Kadaresë./21Media
