Javën e kaluar forcat kufitare saudite hapën zjarr ndaj një barke peshkatarësh iranianë
Teherani zyrtar kërkoi sot nga rivali rajonal Arabia Saudite që të lirojë peshkatarët iranianë dhe të paguajë dëmshpërblimin për marinarin e vrarë dhe t’i dënojë ata që qëndrojnë prapa këtij akti të papërgjegjshëm, njoftoi agjencia iraniane e lajmeve Fars.
Mediat iraniane raportojnë se javën e kaluar forcat kufitare saudite hapën zjarr ndaj një barke peshkatarësh iranianë në Gjirin Persik.
Autoritetet saudite thanë se gjatë incidentit kanë arrestuar tre pjesëtarë të Gardës revolucionare të Iranit.
