Irani ka pranuar zyrtarisht vdekjen e Ali Shadmanit, komandantit të Shtabit Qendror Khatam al-Anbia të Gardës Revolucionare Islamike (IRGC).
Media shtetërore iraniane IRNA ka cituar një deklaratë nga selia qendrore, raporton BBC.
Ndërkaq thuhet se Shadmani vdiq nga plagët pas sulmeve izraelite javën e kaluar.
Forcat Mbrojtëse të Izraelit kishin njoftuar në një deklaratë më 17 qershor se Shadmani ishte vrarë “pas një informacioni të saktë”.
Shadmani ishte ndihmës i udhëheqësit suprem të Iranit, Ajatollah Ali Khamenei, dhe njihej si “shefi i shtabit të kohës së luftës” i vendit.
Ai u emërua më 13 qershor si komandant i Khatam al-Anbia pas sulmeve ajrore izraelite që vranë paraardhësin e tij në këtë rol, Gholamali Rashid.
