Izraeli shkon në finalen e Eurovizionit, pavarësisht protestave
Këngëtarja izraelite, Eden Golan është kualifikuar në finalen e Eurovizionit, pavarësisht protestave.
Fitorja e saj erdhi disa orë pasi mijëra protestues pro-palestinezë u mblodhën në rrugët e Malmo, Suedi, ku po mbahet Eurovizioni, për të treguar mbështetjen e tyre për Gazën.
Pasi kaloi në finale, Golan u shpreh se është tejet e emocionuar, duke shtuar se me krenari e kishte përfaqësuar Izraelin.
“Është me të vërtetë një nder të jesh këtu në skenë, duke përfaqësuar me krenari. Unë jam shumë mirënjohës për të gjithë ata që votuan”, u shpreh këngëtarja.
Pjesëmarrja e Izraelit në Eurovizion ka qenë një burim polemikash mes rritjes së vdekjeve civile dhe përkeqësimit të situatës humanitare në Gaza, ndërsa lufta midis Izraelit dhe Hamasit hyn në muajin e shtatë.
Bombola tymi me ngjyrat e flamurit palestinez u vendosën në sheshin qendror të Malmö të enjten pasdite, së bashku me thirrjet “Palestine e lirë”.
Një demonstratë më e vogël në mbështetje të Izraelit u zhvillua gjithashtu.
Edhe pse protestat ishin kryesisht paqësore, ka policë të armatosur jashtë hotelit ku po qëndron Golan dhe ajo ka qenë e mbyllur në dhomën e saj kur nuk ishte në skenë.
