Izraeli thotë se ka ‘përfunduar’ fazën e parë të tërheqjes nga Gaza, mijëra palestinezë kthehen në shtëpi
Banorët e Gazës kanë kaluar natën e parë që kur hyri në fuqi armëpushimi midis Izraelit dhe Hamasit.
Ushtria izraelite thotë se ka përfunduar fazën e parë të tërheqjes nga Gaza, pasi një armëpushim me Hamasin hyri në fuqi të premten në mëngjes – megjithëse trupat izraelite ende mbajnë të pushtuar afërsisht gjysmën e territorit.
Mijëra palestinezë janë kthyer në shtëpitë e tyre në veri të Gazës, një zonë e bombarduar rëndë gjatë muajve të fundit.
Hamasi ka afat deri në orën 12:00 sipas orës lokale (09:00 GMT) të hënën për të liruar të gjithë pengjet izraelite – përfshirë 20 që besohet se janë gjallë dhe deri në 28 mbetje pengjesh.
Izraeli do të lirojë rreth 250 të burgosur palestinezë që vuajnë dënime me burgim të përjetshëm. Gjithashtu duhet të lirohen edhe 1,700 palestinezë të tjerë nga Gaza që janë ndaluar.
Rreth 600 kamionë me ndihma pritej të hynin në Gaza nga e premtja, megjithëse ende nuk është e qartë nëse ndihma e shtuar ka mbërritur tek njerëzit.
Deri në 200 trupa amerikane që ndodhen tashmë në Lindjen e Mesme do të zhvendosen në Izrael për të ndihmuar në monitorimin e armëpushimit në Gaza, thanë zyrtarët amerikanë./21Media
