Kryeministri i Mbretërisë së Bashkuar, Boris Johnson ka akuzuar Vladimir Putin për një përpjekje “cinike” për të krijuar një pretekst për përdorimin e armëve kimike në Ukrainë.
Johnson tha se kishte frikë se regjimi “barbar” i Kremlinit mund të jetë gati të përdorë armët e ndaluara pasi forcat e tij nuk kanë arritur të bëjnë përparimin e pritur, transmeton rtv21.tv.
Duke folur për Sky News, Johnson tha: Gjërat që po dëgjoni për armët kimike, janë drejtpërdrejt nga libri i tyre i lojës .
“Ata fillojnë të thonë se ka armë kimike që janë ruajtur nga kundërshtarët e tyre ose nga amerikanët dhe kështu kur ata vetë vendosin armë kimike, siç kam frikë se mund të kenë, ata kanë një lloj historie të rreme, gati për të shkuar”, tha ai.
“Është një qeveri cinike, barbare, kam frikë”, shtoi ai.
Më herët, SHBA lëshoi një paralajmërim të ngjashëm për përdorimin e mundshëm të armëve kimike ruse./21Media
