Kryeministri britanik, Boris Johnson, u bëri thirrje britanikëve të vaksinohen me dozën e tretë të vaksinës kundër Covid-19.
Në një video të postuar në Twitter, kryeministri ka theksuar se është shumë e rëndësishme të marret doza përforcuese kundër Covid-19.
”Sigurisht, është e vërtetë që pothuajse çdo i rritur në këtë vend ka marrë tashmë dozën e dyfishtë dhe, falë kësaj, ne kemi arritur të kthehemi në jetën tonë normale, por ne gjithashtu e dimë se mbrojtja nga vaksinat zvogëlohet me kalimin e kohës dhe kështu njerëzit që janë më të prekshëm ndaj Covid dhe që e kanë marrë dozën e dytë më shumë se gjashtë muaj më parë, tani janë në rrezik më të madh. Pandemia nuk ka mbaruar dhe rreziku nuk është zhdukur. Doza e tretë është po aq jetike, sa dy të tjerat. Eshtë e vetmja mënyrë për të forcuar imunitetin tuaj dhe të familjes suaj”, ka thënë ai.
