Këngëtari kanadez, Justin Bieber në kuadër të albumit të tij më të ri “Justice”, ka realizuar një projekt muzikor i cili i kushtohet gruas së tij, Hailey Bieber.
“Hailey” është titulluar kënga e cila flet për dashurinë e pakusht që Justin ka ndaj gruas së tij.
Justin dhe Hailey u njohën që në fëmijëri të tyre, kur ai ishte 15 vjeç dhe ajo ishte 12 vjeç.
27 vjeçari në bashkëpunim me Louis Bell, Jon Bellion dhe Ali Tamposi shkroi këtë këngë e cila njëkohësisht është shumë personale për të, në të cilën i referohet të shkuarës, të tashmës dhe të ardhmes së tyre të përbashkët të tij me Hailey.
“Ne do të jemi diamantët, kur ditët tona të arta të marrin fund”, këndon Justin.
“Justice” është publikuar në mars të këtij viti dhe që nga atëherë korri një sukses të jashtëzakonshëm./21Media
