Ministria e Shëndetësisë (MSH) ka deklaruar se Qendrat e Mjekësisë Familjare (QKMF) në Prishtinë, janë furnizuar me barna dhe material shpenzues. Këtë e ka konfirmuar për portalin rtv21.tv zëdhënësi i Ministrisë së Shëndetësisë në Kosovë, Faik Hoti.
“Ju informojmë se QKMF -Prishtina është furnizuar nga Depoja Qendrore e MSh-së me barna dha material shpenzues me datë 11.03.2021”, ka tënë Hoti.
Portali rtv21.tv ka siguruar raportin e furnizimeve të MSH për periudhën 1 janar 2021-16 mars 2021.
Megjithatë, drejtori i Shëndetësisë në Prishtinë, Bujar Gashi dje është ankuar se që tre muaj QKMF-të nuk janë furnizuar nga Ministria e Shëndetësisë me barna e pajisje të listës esenciale.
Prishtina vazhdon të jetë komuna me numrin me të lartë të pacientëve të infektuar me koronavirus./21Media
