Analisti politik, Gëzim Kasapolli, në “Click” të RTV21, deklaroi se Serbia ka ndjekur një politikë destabilizuese në rajon, duke e luajtur rolin e një “Rusia të vogël” brenda Ballkanit.
Kasapolli tutje tha se Serbia shpesh vepron si eksportuese e krizave, me aspirata të qarta ndaj Kosovës dhe Bosnjës, ndërsa kërcënimin e vetëm e sheh në Kroaci.
“Serbia zakonisht e ka luajtur rolin e një Rusie të vogël brenda Ballkanit. Në raport me Kosovën dhe Bosnjën, aspiratat e saj kanë qenë gjithmonë të qarta — nuk është befasi. Kërcënimin e vetëm që e sheh Serbia është Kroacia,” u shpreh Kasapolli./21Media
