Katër persona janë arrestuar pas një përleshjeje që ndodhi të mërkurën mbrëma në rrugën “Konferenca e Bujanit” në Pejë.
Referuar raportit 24 orësh të policisë thuhet se rreth orës 23:00, forcat e rendit u njoftuan për një rrahje dhe menjëherë ndërhynë në vendin e ngjarjes.
Hetimet paraprake tregojnë se konflikti ka nisur kur tre persona sulmuan një të dyshuar të katërt dhe viktimën.
Në përpjekje për t’u mbrojtur, i dyshuari i katërt ka përdorur një mjet të mprehtë (thikë), duke therur dy nga sulmuesit dhe duke u shkaktuar lëndime trupore.
Të dyshuarit dhe viktima u hasën nga policia në vendngjarje, ndërsa u dërguan në Spitalin Rajonal të Pejës për trajtim mjekësor.
Pas intervistimit, tre nga të dyshuarit janë ndaluar për 48 orë, ndërsa njëri është liruar në procedurë të rregullt.
