✨ Showbiz
Kënga që bëri me lot Ibrahim Tatlises vjen në dy versione nga artistë kosovarë
nga Venera Grabanica19 gusht 2022
Këngëtarët e njohur, Mentor Haziri dhe Linda Halimi së shpejti do sjellin veç e veç coverin e këngës hit, “Aramam”.
Mentori këtë e bëri të ditur përmes një postimi në Instagram, por në këtë postim edhe Linda e konfirmoi se në versionin e saj e ka incizuar këtë këngë.
“Po u dashka me bo një mashup, e kom inqizu verzionin tem ‘ mezi po pres me e ni tondin”, është komenti i Lindës në postimin e Mentorit.
Dyshja nuk kanë treguar se a bëhet fjalë për këngën “Aramam” të këngëtarit turk, Ibrahim Tatlisest.
Kujtojmë se, këndimi i këngës “Aramam” me vajzën e tij gjatë emisionit “Ibo Show”, përloti këngëtarin turk. Kjo video në Youtube ka mbledur mbi 34 milionë klikime.
Kënga “Aramam” në Turqi thuajse këndohet nga të gjithë këngëtarët. /21Media
