Kërkohet paraburgim për dy personat që sulmuan me granatë dore disa lokale në Mitrovicë

Prokuroria Themelore në Mitrovicë ka paraqitur në Gjykatën Themelore në Mitrovicë kërkesë për caktimin e paraburgimit  kundër të pandehurve A.D., dhe G.H., me dyshimin se të njëjtit kanë hedhur granëty dore përballë tre lokaleve, duke shkaktuar dëme të mëdhë.

“Me datë 09 qershor 2023, i pandehuri G.H, e dërgon me veturë të pandehurin A.D., në rrugën “11 Marsi 1981“, i cili vazhdon deri në sheshin e qytetit dhe duke qëndruar përballë disa lokaleve, e hedhë mjetin e rrezikshëm – granatën e dorës, me ç`rast granata eksplodon duke shkaktuar dëme të konsiderueshme materiale në tri lokale në sheshin e qytetit, dhe duke shkaktuar rrezik të madh për jetën e njerëzve”, thuhet në komunikatën e Prokurorisë.

Seanca për caktimin e paraburgimit për të ndaluarit do të mbahet nesër. /21Media