Përfaqësuesi i Kinës në OKB, Zhang Jun i ka përshkruar bisedimet ndërmjet Rusisë dhe Ukrainës si “hapa pozitivë drejt arritjes së paqes”.
Ai ka thënë se Kina do të “luaj rolin e saj në de-përshkallëzimin e situatës”.
Ai gjithashtu ka thënë se Kina i kushton “rëndësi të madhe bio-sigurisë dhe sigurisë” dhe “kundërshton me vendosmëri zhvillimin, posedimin dhe përdorimin e armëve biologjike dhe kimike nga çdo vend”.
Jun ka shtuar se do të inkurajonte çdo vend që nuk i ka shkatërruar ende rezervat e tyre të armëve kimike për ta bërë këtë sa më shpejt të jetë e mundur, shkruan BBC, përcjell rtv21.tv
Ai ka shtuar se Kina ka “vënë në dukje me shqetësim informacionin përkatës të lëshuar nga Rusia” dhe beson se duhet “të trajtohet siç duhet”./21Media
