Mërgimtarët po presin me orë për të hyrë në Kosovë
Fluksi i mërgimtarëve që vijnë në Kosovë për të kaluar pushimet e fundvitit po krijon kolona të gjata edhe nëpër pikat kufitare.
Kësisoj sipas të dhënave të fundit të Qendrës për Menaxhimin Kufitar, pritjet për të hyrë në Kosovë nga Jarinja arrijnë deri në një orë. Aty janë krijuar kolona deri në 1 mijë e 500 metra.
Edhe në Merdare, vendin ku sot ndodhi një përleshje fizike, pritjet shkojnë deri në një orë.
Pritje ka edhe në pikën kufitare të Mutivodës dhe Vërmicës.
Qytetarëve për të hyrë në Kosovë në këto dy pika kufitare u duhet të presin 15, respektivisht 20 minuta./kallxo
