Italia shteti i katërt në Evropë që u prek nga koronavirusi
Në Itali janë konfirmuar dy rastet e para me koronavirus, vetëm pak orë pasi Organizata Botërore e Shëndetit e shpalli atë emergjencë globale.
Kryeministri italian, Giuseppe Conte, zbuloi se dy turistë kinezë kishin kontraktuar me virusin. Ai ka urdhëruar mbylljen e trafikut ajror mes Kinës dhe Italisë. Kjo erdhi pasi më shumë se 6 mijë pasagjerë dhe 1 mijë anëtarë të ekuipazhit kishin mbetur në një anije lundrimi italiane në veri të Romës të enjten, pasi një grua kineze, 54 vjeçe, u sëmur, transmeton rtv21.tv
Italia është vendi i katërt evropian, pas Francës, Finlandës dhe Gjermanisë, ku u konfirmuan raste me koronavirus./21Media
