Konjufca për atentatin ndaj Trumpit: Është sulm ndaj demokracisë dhe pluralizmit politik

Kryetari i Kuvendit të Kosovës, Glauk Konjufca është shprehur i shokuar ndaj atentatit për vrasje të ish-presidentit amerikan, Donald Trump.

Konjufca thotë se ky atentat është sulm ndaj demokracisë dhe pluralizmit politik.

“Ky atentat është një sulm ndaj demokracisë dhe pluralizmit politik. Falë Zotit, Presidenti Trump i shpëtoi këtij sulmi, ndërsa Amerika sot ka nevojë për bashkim rreth vlerave të saj fundamentale të lirive qytetare dhe politike”, ka shkruar Konjufca në “Facebook”.

“Populli i Kosovës qëndron pranë popullit amerikan në çdo rrethanë e përballë çdo sfide që synon ta cenojë”, shtoi ai./21Media