Autoritetet ukrainase janë fokusuar në evakuimin e civilëve nga qyteti i rrethuar i Mariupolit.
Zëvendëskryeministrja ukrainase Iryna Vereshchuk tha në Telegram se “korridori humanitar nga Mariupol nuk funksionoi siç ishte planifikuar sot”.
Megjithëse dhjetëra njerëz mundën të largoheshin nga qyteti për në Zaporizhzhia, kryetari i bashkisë së Mariupol shpresonte se 6,000 do të evakuoheshin sot, transmeton rtv21.tv
Vereshchuk tha se ky dështim ishte për shkak të “mungesës së kontrollit të Rusisë mbi ushtrinë e tyre në terren”.
Ajo shtoi se “pushtuesit nuk kanë mundur të sigurojnë transportin në kohë të njerëzve deri në atë pikë ku dhjetëra autobusë dhe autoambulanca tona po prisnin”.
Këshilli i qytetit të Mariupolit fajësoi “çorganizimin dhe neglizhencën e natyrshme” të Rusisë.
Përpjekjet për evakuim do të rifillojnë të enjten, tha Vereshchuk, duke shtuar se “ne do të luftojmë për secilin prej jush”./21Media
