Partia e kryeministres britanike Theresa May është fituese e zgjedhjeve lokale
Partia konservatore e kryeministres britanike Theresa May është fituese e zgjedhjeve lokale të mbajtura të enjten, derisa laburistët, Partia për pavarësinë e Mbretërisë së Bashkuar dhe demokratët liberalë fituan më pak vende në këshillat lokale se sa në zgjedhjet e kaluara, tregojnë rezultatet e publikuara sot, transmetojnë agjencitë.
Sipas këtyre rezultateve, partia konservatore ka fituar njëqind vende të reja në këshillat lokale, laburistët kanë humbur 60 vende, ndërsa UKIP-i anti-evropian ka humbur të gjitha 30 vendet, të cilat i ka mbajtur në zgjedhjet e kaluara.
