Kombëtarja e Kosovës në futboll do ta zhvillojë sot ndeshjen miqësore me San Marinon.
Në stadiumin “Fadil Vokrri” në Prishtinë kombëtarja e drejtuar nga trajneri Bernard Challandes do të testohet edhe për sa i përket disa ndryshimeve në listën e lojtarëve të ftuar nga tekniku zviceran.
Ndeshja zhvillohet me fillim nga ora 18:00.
Para ndeshjes, në një konferencë për media trajneri Challandes deklaroi se kjo ndeshje është shumë e rëndësishme dhe se pret rezultat pozitiv nga të përzgjedhurit e tij duke mos e nënvlerësuar kundërshtarin.
