(Lajm i përditësuar)
Kosova shijon fitoren e parë në kualifikimet e Euro 2024
Kombëtarja e Kosovës e ka regjistruar fitoren e parë në kuadër të kualifikimeve drejt Kampionatit Evropian Euro 2024.
Pas plot 90’ minutave lojë të zhvilluara në stadiumin “Nacional – Andorra la Vella”, Kosova e ka mposhtur Andorrën me rezultat bindës 3:0.
Milot Rashica me dy gola (minuta e 26’ dhe 71’) dhe Altin Zeqiri me një gol (minuta e 83’) i siguruan fitoren sot “Dardanëve” ndaj Andorrës.
Me pikët e reja, Kosova ngjitet në vendin e katërt në tabelë në Grupin I me shtatë pikë të arkëtuara, krahas Andorrës që zë vendin e fundit me vetëm dy pikë.
Rezultati final i ndeshjes, 3:0.
Edhe Kosova shënon golin e tretë
Është shënuar edhe goli i tretë në stadiumin “Nacional – Andorra la Vella”, ku po luhet ndeshja mes Andorrës dhe Kosovës.
Kosova ka arritur ta thellojë epërsinë në 3:0 në ndeshjen ndaj Andorrës, përmes golit të shënuar nga Altin Zeqiri.
Zeqiri shënon në minutën e 83’ për 1:0.
Sërish Rashica, Kosova thellon epërsinë ndaj Andorrës
Është shënuar edhe goli i dytë në stadiumin “Nacional – Andorra la Vella”, ku po luhet ndeshja mes Andorrës dhe Kosovës.
Kombëtarja e Kosovës ka arritur ta thellojë epërsinë në 2:0 në ndeshjen ndaj Andorrës, përmes golit të Milot Rashicës.
Rashica shënon në minutën e 71’ për 2:0.
Kosova mbyll pjesën e parë në epërsi ndaj Andorrës
Rashica kalon Kosovën në epërsi ndaj Andorrës
Është shënuar goli i parë në stadiumin “Nacional – Andorra la Vella”, ku po luhet ndeshja mes Andorrës dhe Kosovës.
Kombëtarja e Kosovës ka arritur të kalojë në epërsi prej 1:0 në ndeshjen si mysafire ndaj Andorrës, përmes golit të Milot Rashicës, raporton KosovaPress.
Rashica shënon në minutën e 26’ për 1:0.
Fillon ndeshja mes Andorrës e Kosovës
Kanë filluar të zhvillohen minutat e parë e ndeshjes mes Andorrës dhe Kombëtares së Kosovës.
Stadiumi “Nacional – Andorra la Vella” është nikoqir i kësaj përballjeje, e cila është e vlefshme për fazën e grupeve të kualifikimeve drejt Kampionatit Evropian Euro 2024.
“Dardanët” synojnë fitoren e parë në këto kualifikime, ku pas gjashtë ndeshjeve të zhvilluara kanë një bilanc prej katër barazimeve e dy humbjeve.
Formacionet zyrtare të Kosovës dhe Andorrës
Sonte me fillim nga ora 20:45 stadiumi “Nacional – Andorra la Vella” do të jetë nikoqir i ndeshjes mes Andorras dhe Kombëtares së Kosovës.
“Dardanët” do të synojnë me çdo kusht fitoren sot, dhe t’i kthehen rezultateve pozitive në kualifikimet drejt Kampionatit Evropian Euro 2024.
Takimi i fundit mes këtyre dy kombëtareve daton në muajin mars të këtij viti, ku asokohe Kosova barazoi 1:1 me Andorran.
Pas gjashtë ndeshjeve të zhvilluara, Kosova renditet në vendin e pestë në Grupin I me katër pikë, aq sa ka edhe Bjellorusia në vendin e katërt, kurse Andorra zë vendin e fundit (6) me vetëm dy pikë të arkëtuara.
Sa i përket ndeshjes së sotme, Kosova do të jetë me dy mungesa të mëdha, pasi në listën e publikuar në faqen e UEFA-s, mungojnë Amir Rrahmani, Edon Zhegrova, Leart Paqarada, Shkëlqim Vladi, Ismajl Beka dhe Vedat Muriqi.
Tanimë trajnerët kanë publikuar formacionet zyrtare, dhe ato i gjeni më poshtë.
