Kriza e pengjeve në Holandë ka përfunduar pasi të gjithë personat e marrë peng në një kafene janë liruar, sipas policisë.
Pengu i fundit është liruar dhe një person është arrestuar, tha policia në X, duke shtuar: “Nuk mund të ndajmë më shumë informacion në këtë moment”.
Disa persona u mbajtën peng në një ndërtesë në qytetin Ede, në Holandën qendrore, tha policia të shtunën.
Një numër i madh policie dhe kamionësh zjarrfikës u dërguan në zonë për shkak të incidentit të marrjes peng në një kafene në Ede të Holandës. Qindra shtëpi në afërsi u evakuuan gjithashtu.
Njerëzit në një kafene në qytetin Ede u morën peng dhe incidenti nuk ishte i natyrës terroriste, tha policia holandeze në një deklaratë në X.
Policia u kërkoi njerëzve që të qëndrojnë larg qendrës së qytetit dhe të mos shkojnë nëpër kafene për të parë ngjarjen.
Rreth 150 shtëpi në zonë u evakuuan si masë paraprake dhe njerëzit u evakuuan në një vend të sigurt, sipas deklaratës. Më herët policia njoftoi se tre pengje u liruan herët në mëngjes, por ngjarja është në vazhdim
