Vizita e Abadi në Arabi vjen në një kontekst tensionesh mes Mbretërisë sunite dhe Iranit
Kryeministri irakian, Haider al-Abadi arriti sot për vizitë në Arabinë Saudite, në kohën kur dy shtetet po përpiqen të normalizojnë marrëdhëniet e tyre dhe në kulmin e tensioneve me Katarin.
Adadi mbërriti gjatë pasdites në Jeddah, në Detin e Kuq, ku u prit në mënyrë zyrtare, raporton AFP.
Vizita e Abadi vjen në një kontekst tensionesh mes Mbretërisë sunite dhe Iranit, kundërshtarit të saj rajonal, ku marrëdhëniet u ndërprenë që prej janarit 2016.
Tensioni rajonal është thelluar me ndërprerjen më 5 qershor nga ana e Arabisë Saudite, Emirateve të Bashkuara Arabe dhe Bahrein të marrëdhënieve të tyre me Katarin, i akuzuar për mbështetje të grupeve terroriste dhe të afrimit me Iranin.
