Kryeministri i Pakistanit, Shehbaz Sharif, ka thënë se shteti i tij ka arritur “një fitore historike”. Teksa ka lavdëruar ushtarët e tij, Sharifi ka thënë se Pakistani “ka qenë i suksesshëm dhe ka arritur fitoren”.
Ai po i adresohet popullit pakistanez pak orë pasi Pakistani dhe India u dakorduan për armëpushim, por India menjëherë akuzoi Pakistanin për sulme në Kashmirin e administruar nga indianët. Sipas Sharifit, ndaj Pakistanit ka akuza të pabaza. Ai ka thënë se nga sulmet e Indisë janë shkatërruar xhami në Pakistan.
“Ne jemi një shtet paqësor. Për të mirën e të gjithëve e kemi arritur këtë marrëveshje armëpushimi dhe kemi qenë pozitivë për të”, ka shtuar ai.
