Kurti – qytetarëve: Po punojmë përditë si ju në fushveprimtarinë tuaj
Kryeministri Albin Kurti gjatë mbledhjes së Qeverisë tha se ata po punojnë “përditë” sikur ata në fushëveprimtaritë e tyre.
Ai tutje përmendi aktivitet e ditës së sotme. Ai tregoi se me ministrin e Bujqësisë, Faton Peci ishin në Malishevë për korrje-shirje te bujku Asman Kryeziu, për të cilin tha se “djerrinën me 260 metra kub gurë e ka kthyer në 2 hektarë arë me grurë”.
’Po punojmë përditë, siç e jetoni dhe përjetoni ju ditën tuaj në fushveprimtarinë tuaj anë e mbanë Kosovës’’, tha Kurti.
Kurti tha se rendimenti i sivjetmë i grurit pritet ta plotësojë kërkesën e brendshme për konsum.
“Rendimenti këtë vit po duket të jetë i lartë. Pritjet tona janë që prodhimi i grurit të shtohet edhe për 140 mijë deri në 150 mijë ton grurë, që do të thotë se do të mund ta plotësojmë kërkesën e brendshme për konsum, pa pasur nevojë të importojmë apo të varemi nga importi”, tha Kurti gjatë mbledhjes.
