Kurti takoi emisarin e ri norvegjez për Kosovën Eirik Nestas Mathisen
Kryeministri Albin Kurti ka pritur sot në takim emisarin e ri special të Norvegjisë për Ballkanin Perëndimor, Eirik Nestas Mathisen, me të cilin ka diskutuar mbi forcimin e marrëdhënieve bilaterale, çështje rajonale dhe tema me interes të përbashkët.
Kurti vlerësoi marrëdhëniet ndërmjet dy shteteve dhe shprehu mirënjohje për mbështetjen e vazhdueshme të Norvegjisë në zhvillimin socio-ekonomik të Kosovës, duke thënë se marrëveshja tregtare me vendet e EFTA-s, paraqet mundësi të reja për thellimin e marrëdhënieve tregtare dhe raporteve bilaterale.
Ai ofroi bashkëpunim të ngushtë emisarit të ri Mathisen dhe falënderoi emisarin e deritanishëm norvegjez Haakon Blankenborg për kontributin e deritanishëm, duke i uruar suksese në angazhimet e ardhshme.
