Kyreministri i Kosovës, Albin Kurti ka thënë se vendimet e Bankës Qendrore të Kosovës (BQK) janë të pavarura.
Ai në një deklarim për media kur u pyet se a do të ketë shtyrje të ekzekutimit të rregullores së BQK-së sipas të cilës nga 1 shkurti në Kosovë të gjitha pagesat duhet të bëhen në euro,. ka thënë se kjo çështje është e panegociueshme.
“Euroja është valutë që na vjen nga BE-ja, ne nuk jemi duke i thënë askujt merre valutën lelë të Shqipërisë apo një valutë të re Dardan të Kosovës, por euron, euro si mjeti i vetëm i pagesës edhe i shitblerjes i përcaktuar në mënyrë të qartë në RKS nuk është një çështje e negociueshme”, ka deklaruar Kurti.
I pari i ekzekutivit tutje është shprehur se me masat e ndërmarra nga Qeveria, shumica dërrmuese e qytetarëve serbë në Kosovë kanë xhirollogari bankare të hapura në bankat e Kosovës.
E sipas tij edhe nëse nuk e kanë, edhe hapjen e një xhirollogarie por edhe mirëmbajtjen e saj do ta kenë falas.
