Kryetari i Lëvizjes Vetëvendosje, Albi Kurti e ka uruar kryetarin e ri të Partisë Demokratike të Kosovës (PDK) Bedri Hamza për marrjen e kësaj detyre.
Ai ka thënë se do të vazhdoj angazhimin për bashkëpunim korrekt.
“I shpreh urimet e mia z. Bedri Hamzës për zgjedhjen e tij në detyrën e kryetarit të Partisë Demokratike të Kosovës. Proceset zgjedhore brenda partisë, por edhe bashkëpunimi i ndërsjelltë i spektrit të gjerë politik, çdo herë në të mirë të interesit publik, janë parime themelore për funksionimin dhe avancimin e shtetit tonë. Nga ana ime, do të vazhdoj angazhimin për bashkëpunim korrekt, në përputhje me vullnetin e qytetarëve, dhe me përgjegjësi të që na i kërkon shërbimi ndaj Republikës”, ka shkruar Kurti në Facebook.
Hamza u zgjodh kryetar i PDK-së në konventën e kësaj partie e cila u mbajt të hënën./21Media
