Përmes një komunikate skuadra e Gjilanit e ka konfirmuar drejtorin e ri sportiv të klubit. Nga tani e tutje në këtë pozitë do të jetë Ertan Demiri.
Demiri emërohet në krye të departamentit sportiv të Gjilanit pas përvojave shumëvjeçare në fushën e menaxhimit sportiv, teksa më parë ka ushtruar edhe funksione të larta sportive te Shkupi dhe Trepça ’89, raporton KosovaPress.
“Ambiciet e Gjilanit mbeten ngritja e klubit në nivele më të larta dhe Ertan Demiri pritet të jep kontributin e tij në këtë drejtim”, shkruante në komunikatën e Gjilanit.
