Lajmërohet Jurgen Klopp, flet për interesimin e Real Madridit
Jurgen Klopp ka reaguar ndaj spekulimeve që e lidhnin me stolin e Real Madridit pas largimit të Xabi Alonsos, duke e bërë të qartë se nuk e sheh veten si opsion për klubin spanjoll në këtë moment. Trajneri gjerman ka theksuar se është i fokusuar në rolin e tij aktual dhe se nuk ka plane për t’u rikthyer menjëherë në pankinë.
CEO i Red Bull konfirmoi se ai aktualisht nuk dëshiron të jetë trajner aktiv. Oliver Mintzlaff nga Red Bull ka thënë se Klopp ka bërë të qartë që “nuk dëshiron të jetë trajner për momentin”, kështu lidhja e tij me ofertat e Real Madridit është e pamundur në kushtet aktuale
Klopp ka deklaruar se nuk ka pasur asnjë kontakt zyrtar nga Real Madridi dhe se lajmet që e përfshijnë në këtë çështje nuk kanë bazë konkrete. Ai ka shtuar se ndihet i qetë dhe i kënaqur me angazhimin e tij aktual, duke nënvizuar se për momentin nuk dëshiron të marrë drejtimin e një skuadre.
Kështu, pavarësisht zërave dhe spekulimeve në media, Jurgen Klopp e ka përjashtuar mundësinë e marrjes së drejtimit të Real Madridit, duke lënë të hapur vetëm idenë se në të ardhmen gjithçka mund të rishikohet, por jo në rrethanat aktuale.
