Lara Gutt Behrami ka fituar medaljen e bronztë në disiplinën e sllallomit të madh në Lojërat Olimpike Dimërore Pekin 2022.
Skitarja zvicerane është bashkëshortja e futbollistit me prejardhje nga Kosova, Valon Behrami.
Në këtë disiplinë garoi sot edhe skitarja e Kosovës, Kiana Kryeziu e cila zuri vendin e 49-të nga 82 garuese në total. Koha e saj pas dy lëshimeve ishte 2 minuta e 42.19 sekonda.
Komiteti Olimpik i Kosovës e përgëzoi suksesin e Gutt-Behramit, e cila vlerësohet favorite për të fituar medalje edhe në disiplina tjera të skijimit alpin./21Media
